Қазақстан желтоқсан айынан бастап жаңа әуе рейстерін ашады
Қазақстан мен Кувейт арасында әуе қатынасы ашылады. Бұл туралы ҚР Индустрия және инфрақұрылымдық даму министрлігінің Азаматтық авиация комитеті хабарлады.
«2021 жылдың 1 желтоқсанынан бастап Алматы мен Кувейт қалалары арасында жаңа бағыт бойынша тұрақты әуе рейстері ашылады. Ұшу Boeing A320/A20N ұшақтарында жүзеге асырылады. Шешімді ведомствоаралық комиссия қабылдады», - деп хабарлады ҚР ІІМ ТЖК баспасөз қызметі.
Рейстер Кувейттің Jazeera Airways әуе компаниясымен аптасына екі рет, сәрсенбі және жексенбі күндері орындалады. «Бұл бағыт елдер арасындағы сауда-экономикалық ынтымақтастықты, туризмді және іскерлік әріптестікті дамытуға септігін тигізеді», - деп қосты министрліктің баспасөз қызметі.
Ұшулар санитарлық-эпидемиологиялық талаптарды қатаң сақтай отырып және авиакомпанияның сайтында жарияланған кестеге сәйкес орындалады.