"Ұлы Жеңіске 75 жыл"

Осыдан тура 75 жыл бұрын адамзат тарихындағы ең бір қанды қырғын – Ұлы Отан соғысы басталды.

75 жыл бұрын, 22 маусым күні шамамен таңғы сағат 4-те Фашистік Германия соғыс жарияламастан КСРО жеріне басып кірді. Жауға қарсы тұру үшін Кеңес  әскерінің қатарына 1 млн 200 мыңнан астам қазақстандық шақырылды.  Қазақстан фашизмді жоюға сүбелі үлес қосты. Соғыс жылдарында елімізде 12 атқыштар, 4 кавалериялық дивизия, 7 атқыштар бригадасы және 50 –ге тарта полктер мен батальондар жасақталған. Елімізден барған жауынгерлердің  497-сі Кеңес одағының батыры болды. Оның екеуі қазақ қызы. Еліміз  Кеңес одағының негізгі әскери-өнеркәсіп базасына айналды.  Соғыс жылдары одақта өндірілген қару-жарақтың басым бөлігі бізде жасалса, оған қоса 1 млн тоннаға жуығық мұнай майданға жіберілді . Кеңес одағының әр отбасы сұрапыл соғыстың зардабын  көрді. Мыңдаған адам туған туысқандарынан, бауырларынан айырылды. Бүгінде олардың әр қайсысының есімдері мен ерлігі  ұмытылмақ емес.